Hannes von Boll
Hannes von Boll                                    
Zom Ahera do kligga!
Mir kennet älles - außer Hochdeutsch!.mp[...]
MP3-Audiodatei [1.7 MB]
Burg Hohenzollern, Bildnachweis: wikipedia

Wo kommet denn die beschte Autos her?

Wo steppt denn heit no d’r „Steiff“-Teddybär?

Wo wenscht mer sich a’ guats Nächtle?

Ond omarmt dabei sei liebs Schätzle?



Wo flieagt denn heit no d’r Zeppelin rom?

Wo isch mer a G’scheidle ond gar et domm?

Wo isch des Land der Dichter und Denker?

Hohenzollern, Barbarossa und Geschichtelenker?

Sag’ oifach im Südweschta,

dem Land, dem allerbeschta.

Du mei’ wunderscheens Heimatland,

geliebt und g’formt von Schöpfers Hand.

Genießerland dich lob’ ich mir,

s’gibt guada Wei’ ond guades Bier.

Du mei' Heimatland.

 

Wo werdet Leit denn mit 40 g’scheit?

Und anderswo nedt (amoal) in Ewigkeit?

Wo trenkt mer am liabschta da oigne Wei’

ond läßt vom Ausland gar koin Fusel rei‘?



Wo isch des Land wo d’r Neckar flisst,

wo mer Maultascha und Kuttla isst?

Wo kommet denn die meischte Patente her

Tüftler, Erfender ond noch viel mehr?

 

Refrain



Wo schmeckt m’r da Süda ganz direkt?

Nur im herrlicha Südwesta im Endeffekt!

Nur dort gibt’s Spatza, handg’schabt mit Soß

und nedt bloß Päckla und Essa aus der Dos’.



Wo werdet Trauba no von Hand eing’lesa?

Wo sitzt mer anschließend z’amma im a’ Besa?

Wo isch a Viertele genau des rechte Maß?

Wo trenkt mer sein Trollinger aus’m Henkelglas?

 

Letzschder Refrain

 

Text und Musik: Hans-Ulrich Kauderer

 

 

Für die Übersetzung ins Hochdeutsch hier klicken!

 

 

D'r Spruch zom Liad:

Lieber heimlich g'scheit als oheimlich domm



 

 

Do, wo mer des Schild von Schmeck den Süden sieht,

kriagt mer emmer was reacht guats ond was regionals zom Essa ond Trenka.



Grüß Gott miteinander!


 

 

Danke, dass Ihr mich besucht!

 

Vielleicht sehen wir uns bald bei einem meiner nächsten Auftritte

Ich freue mich jedenfalls darauf. 

Alles Gute und bis bald !?

 

 

Euer
Hannes von Boll